Meeqqat atuarfianni soraarummeersimasut affai inuusuttunut ilinniarfimmik aallartitsisimapput

2016-imi meeqqat atuarfianni soraarummeertut akornanni 51 pct.-ii ukiut marluk ingerlanerini inuusuttunut ilinniarfimmik aallartitsisimapput. Atuartut amerlanersaat, 3/4-inik annertutigisut, ilinniarnertuunngorniarnermik aallartitsisimapput 1/4-iilu inuussutissarsiornermi ilinniarnermik aallartitsisimallutik.

 

2010-mili ukiut marluk ingerlanerini inuusuttunut ilinniarfimmut ingerlaqqittartut amerlassusaat 50 pct.-it missaaniittarpoq. 2010-mi 49 pct.-imiit 2016-imi 51 pct.-imut qaffasimavoq.

 

Titartagaq 1. Meeqqat atuarfiannik naammassinnereernermi ukiut marluk qaangiunnerini inuusuttunut ilinniarfimmik aallartitsisimasut amerlassusaat, 2010-miit 2016-imut soraarummeertut

Najoqqutaq: Naatsorsueqqissaartarfik –kisitsisit Kisitsisaataasivimmi takukkit (http://bank.stat.gl/UDNTRFA1).